مصنوعی ذہانت کی ترقی کے ساتھ ہی اس کے منفی پہلو بھی واضح ہونے لگے ہیں۔ ایک وقت آئے گا جب یہ ٹیکنالوجی انسانوں کی گرفت سے باہر ہو جائے گی۔ اگرچہ ہم اسے خود کار نظام کے طور پر دیکھتے ہیں، لیکن اس کی ترقی کے ساتھ یہ مشینیں اپنی صلاحیتوں کو خود بڑھا سکتی ہیں، جس سے ہم ان پر کنٹرول کھو سکتے ہیں۔

AI کو جب خود اپنے پروگرامنگ کو بہتر بنانے کی صلاحیت ملے گی، تو یہ ہم انسانوں کے لیے ایک سنگین خطرہ بن سکتا ہے۔ اگر یہ اپنی مرضی سے فیصلے کرنے لگے، تو ہم اس کے ردعمل کو پیشگوئی نہیں کر سکیں گے۔ ایک سادہ سی مثال یہ ہے کہ AI کو جب یہ سکھایا گیا کہ کتوں اور بھیڑیوں کے درمیان فرق کیسے کرنا ہے، تو اس نے ایک مخصوص پس منظر کی بنا پر غلط فیصلے کیے، جو یہ ظاہر کرتا ہے کہ AI کے فیصلے کبھی بھی ہمارے لیے قابل فہم نہیں ہوں گے۔

اب اس سے زیادہ پیچیدہ خطرہ یہ ہے کہ جب AI خود کو بہتر کرنے میں کامیاب ہو جائے گا، تو اس کی رفتار اتنی تیز ہو گی کہ ہم انسان اس کا مقابلہ نہیں کر سکیں گے۔ وہ مشینیں جو خود کو پروگرام کر سکیں گی، اپنے آپ کو اتنا بہتر بنا لیں گی کہ انسانوں کے لیے ان کو کنٹرول کرنا ایک ناممکن کام بن جائے گا۔

یہ خطرہ اور بھی بڑھ جائے گا جب AI مختلف شعبوں میں کام کرنا شروع کر دے گا۔ یہ نہ صرف انسانی زندگی کے مختلف پہلوؤں جیسے معیشت، صحت، اور تعلیم کو متاثر کرے گا، بلکہ یہ جنگی سازوسامان اور دیگر طاقتور نظاموں پر بھی قابو پا سکتا ہے۔ اس کا مطلب یہ ہے کہ ہمیں اپنی انٹلیکچوئل امپیکٹ کی حدوں کو سمجھنا ہوگا اور اس بات پر غور کرنا ہوگا کہ ہم کس طرح اس طاقتور ٹیکنالوجی کو اپنے فائدے کے لیے استعمال کر سکتے ہیں۔

AI کا بنیادی تصور یہ ہے کہ کمپیوٹرز اور مشینوں کو انسانوں کی طرح فیصلے کرنے کی صلاحیت دی جائے، تاکہ وہ انسان کی ذہانت کی جگہ لے سکیں یا اس کی مدد کر سکیں۔
یہ ٹیکنالوجی تیزی سے ترقی کر رہی ہے، اور ایک دن ایسے AI سسٹمز آ سکتے ہیں جو انسانوں سے بھی زیادہ ذہین ہو سکتے ہیں۔

ایلون مسک اور اسٹیفن ہاکنگ جیسے بھی اس ٹیکنالوجی کے بارے میں تشویش کا اظہار کر چکے ہیں، خاص طور پر اس بات کو لے کر کہ اگر AI انسانوں سے زیادہ ذہین ہو جائے، تو کیا ہمیں یہ معلوم ہے کہ وہ ہمارے لیے محفوظ رہے گا یا نہیں؟
کیا ایک AI جو انسانوں سے ہزاروں بار زیادہ ذہین ہو، ہمارے لیے فائدہ مند ہوگا، یا پھر ہمیں نقصان پہنچا سکتا ہے؟

جب AI کی ترقی مزید آگے بڑھے گی، تو اس کے اثرات کو سمجھنا اور ان کو قابو میں رکھنا بہت ضروری ہوگا، تاکہ ہم غلط فیصلوں کا شکار نہ ہو جائیں.